صحة المرأة

اسئلة واجوبة عن مرض السكر

لقد لاحظنا في السنوات الأخيرة انتشار مرض السكر بنسبه كبيره نظرا للعادات الصحية السيئة التي اصبحنا نتبعها اليوم ومع انتشار المطاعم الشهية التي تجذب الشهية اليها دون مراعاه للسعرات الحرارية او القيم الغذائية ففي هذا المقال سنعرض حوار سيده مع طبيبها الخاص حول اسئلة واجوبة عن مرض السكر  .

اسئلة واجوبة عن مرض السكر

اسئلة واجوبة عن مرض السكر
اسئلة واجوبة عن مرض السكر

السيدة : ياترى يا دكتور ايه مرض السكرى ده اللي علطول يحظرونا منه في التلفزيون ويقولوا اقضى على السكر قبل ما يقضى عليك؟

الطبيب: ده مرض بيجى لما الجسم يضعف عن افراز هرمون الانسولين اللي بدخل الجلوكوز لخلايا الجسم

وبكده يتراكم الجلوكوز فالدم ويعمل مشاكل.

السيدة: طب أزاي اعرف اذا كان عندي المرض ده ولا لا ؟

الطبيب : من اعراضه وهى

1- الجوع الشديد.

2- الدوخة باستمرار.

3- الشعور بتنميل في أيديك ورجليك.

4- بتعرقي كتير.

5- بقيتي عصبيه مره واحده واعصابك بتفلت بسرعه.

6- الصداع .

7- الارهاق الشديد بدون سبب.

8-غباش الرؤية.

9- بتخسى وانتى مش عامله ريجيم اساسا.

10 – بتتبولى كتير وتعطشي كتير .

السيدة: طب امتى اكون عرضه للإصابة بمرض السكرى ؟

الطبيب: 1- لو كان حد في عيلتك عنده المرض .

2- لو كنتي تعانى من السمنة وزياده الوزن.

3- لو مكنتيش بتتحركى كتير او تمارسى رياضه.

4- لو عملتي تحليل وانتى صايمه وطلعت نسبه السكر في الدم بين 100- 130  او لو نسبه السكر التراكمي 5,7 %

السيدة : وايه الفرق بين التحليلين دول؟

الطبيب : يتم تشخيص مرض السكرى بأخذ عينه من الدم ونعمل فحصين :

الاول : سكر الصيام وبنقيس مستوى السكر في الدم في حاله الصيام ولو كانت النسبة من 100- 130 يبقى الشخص ده معرض للسكرى ولو النسبة ازيد من كده يبقى الشخص ده مصاب بالفعل.

الثاني : السكر التراكمي وبنقيس معدل السكر في الدم خلال شهرين او الثلاثه اشهر اللي قبل التحليل

اسئلة واجوبة عن مرض السكر
اسئلة واجوبة عن مرض السكر

ولو النسبة بين 5 – 6% يبقى الشخص ده معرض للإصابة ولو ازيد يبقى الشخص مصاب بالفعل.

اسئلة عن مرض السكر

ولو اكتشفنا مريض للسكر بجعله يتبع

1- خطه غذائية محدده.

2- يمارس تمارين رياضيه.

3- يتناول بعض الأدوية الموصوفة .

4- يشترى جهاز فحص نسبه السكر ويتابع  نفسه من وقت للتالي ويفضل يعمل الفحص ده يا قبل الاكل او قبل النوم او بعد الوجبات بساعتين.

السيدة: أزاي احافظ على صحتي من مرض السكرى؟

الطبيب:

1- يجب الاكثار من الخضروات والاعتدال في تناول الفاكه والبعد عن الفواكه عالية السكر .

2- يجب تناول الأطعمة قليله المحتوى من الدهون مثل الاجبان  قليله الدسم والدواجن والاسماك .

3- يجب ممارسه الرياضة يوميا لمده 30 دقيقه.

4- يجب تناول الحبوب الكاملة لتزيد من كميه الالياف في طعامك.

5- يجب خساره الوزن الزائد.

6- قللي من تناول الحلويات.

7- ممارسه بعض التمرينات المفيدة مثل

تمارين المقاومة فهي تساهم في تقويه العضلات وزياده كتلتها وزياده عمليه الايض” وتمارين الايروبيكس ” مثل المشي والسباحة ” .

مقالات ذات صلة

زر الذهاب إلى الأعلى
إغلاق