تجربة أم لعلاج السرقة عند الاطفال

Google+ Pinterest LinkedIn Tumblr +

السرقة عند الاطفال مشكلة تقلق الكثير من الأمهات، سوف نقدم لكم قصة لعلاج السرقة عند الاطفال.

تجربة أم لعلاج السرقة عند الاطفال

مشاركة من صديقتنا “ماما لولو”

في يوم رجعت بنتي من المدرسة بتقولي يا ماما مصروفي ضاع! قلت لها ازاي؟ المفروض انك تحافظي على حاجتك .

قالت لي : المصروف كان في المحفظة لما جيت اشترى من الكانتين لقيت المحفظة مفتوحة ومش فيها فلوس؟

استغربت وقلت لها ابقي خلي بالك من حاجتك بعد كده .

وبعد كده بدأت بنتي تشتكي ان حاجات بتختفي من شنطتها ومش هي بس

بدأت بنات في الفصل يشتكوا من اختفاء حاجات ليهم؟

واشتكوا للمدرسة بس ماكانش حد عارف يوصل لحاجة لان البنات لسة في سن صغير ومش مهتمين بحاجتهم اوي .

وفي يوم بنت من البنات ضاعت مقلمتها والبنت كانت زعلانة وبتعيط ومحدش عارف المقلمة راحت فين ؟

تجربة أم لعلاج السرقة عند الاطفال

تجربة أم لعلاج السرقة عند الاطفال

رجعت بنتي قالت لي :

يا ماما انا هقولك حاجة : انا شفت المقلمة في شنطة البنت اللي جنبي .

قلت لها : انتي متأكدة يا حبيبتي ؟ ايوة يا ماما . طلبت منها انها ما تعرفش حد خالص وقلت لها ممكن تكون مقلمة اخرى شكلها .

بس سالت بنتي عن زميلتها ومستواها الدراسي ، قالت لي : دايما التيتشر بتعاقبها لانها مش بتعمل الهوم وورك

ومهملة في كل حاجة ، على فكرة البنت مستواها المادي كويس جدا ووضعها الاجتماعي كويس مامتها مدرسة وبباها دكتور .

المهم رحت المدرسة وحكيت لهم اللي حصل وقلت لهم يا ريت تتواصلوا مع اهل البنت وتعرفوا ايه اللي ممكن يخليها تعمل كدة؟

وفى نفس الوقت طلبت من بنتي انها تشرك زميلتها في اللعب معها وتتكلم معاها هي وصحباتها .

وفي يوم رجعت بنتى من المدرسة حكت لى ان ام زميلتهم جت المدرسة وجابت معاها هدية وادام الفصل

كله قالت انا بقدم الهدية دي لبنتي حبيبتي عشان بحبها اوى وعايزاكوا يا بنات تبقوا صحاب ليها على فكرة

البنت من الاوائل دلوقت وما عدش فيه سرقة.

انا عايزة اقول ان ممكن من غير ما نقصد نؤثر على الحالة النفسية لاولادنا من غير ما نشعر

وممكن بالاهتمام بيهم نجعلهم يثقون بانفسهم ويتفوقون فى حياتهم .. حفظ الله اولادنا ووفقنا على العناية بهم.

لو حابين تبعتولنا تجربتكم عشان الامهات تستفاد ابعتولنا على احكى تجربتك

مقالات قد تنال اعجابك
مقالات اخرى قد تهمك (مقدمة لك من جوجل):
شارك المقالة على:

عن الكاتب

د.ماجدة مطيع عودة

أخصائية أول Ph.D.في طب الاطفال شهادة البورد العربي سوريا دمشق2002 ماجستير دراسات عليا في طب الاطفال سوريا دمشق 2000