كتابات تهمك
الرئيسية | وصفات سهلة | الطعمية المصرية
الطعمية المصرية

الطعمية المصرية

 

الطعمية على الطريقة المصرية:

المقادير:
1/2 كيلو فول مدشوش..مغسول ومنقوع فى ميه لمدة ليله كامله
1/2 كوب شبت
1/2 كوب كزبره خضراء
1/2 كوب بقدونس
1/2 كوب كرات..ملقيتيش حطى بصل اخضر
1 بصله وسط
2 فص ثوم

التوابل
1/2 م ك كزبره ناشفه
1/2 م ص كمون
1/2 م ص فلفل اسمر
1/4 م ص بهارات
ملح..
بيكربونات صوديوم يضاف وقت القلى

ويمكن الاستعاضه عن كربونات الصوديوم بـ البيكنج بودر او البيض
وهو الافضل

الطريقة:
هتضيقى مكونات الطعميه مع بعضها عدا التوابل وتطحنيهم كويس جداااااااا
بعد كده هتضيفى عليهم التوابل دى..
وافضلى قلبى فيهم بقوه بالمضرب اليدوى لغاية ما تحسى انها بقت هشه

وقت القلى ضيفى بيكربونات الصوديم بنسبه لا تذكر..يعنى ذره..لانها لو حطيتى كتير هيبقى عليه العوض ومنه العوض..ههههههههه هتفك من بعضها فى الزيت وتفنشر وحالتها هتبقى صعبه..

لما يكون لونها دهبى زى اللى فى الصوره كده..
قدميها فى طبق تقديم بعد ما تصفيها من الزيت طبعا ورشى عليها شوية بقدونس

التعليقات

Avatar of Menaa Alah Menaa Alah قال:

الله الله الله
وصفه فى منتهى الجمال