تنمية مهارات الطفل

أفكار تشجيع الاطفال علي التركيز والمذاكرة وقت الامتحانات

أفكار تشجيع الاطفال علي التركيز

الامتحانات على الابواب وكل بيت بيعاني أزاي يقنع الولد او البنت تقعد تذاكر وتركز شوية وهما علطول لعب وتنطيط والمشكلة ان الترم دة كان قصير جدا والمناهج تكديس وحشو ولازم الطفل يستوعبهم كلهم عشان يقدر يجيب درجات عالية في الامتحانات وفي هذا المقال سنناقش عدة أفكار ونصائح تشجيع الاطفال علي التركيز والمذاكرة وقت الامتحانات والمذاكرة .

أفكار تشجيع الاطفال علي التركيز والمذاكرة

أفكار تشجيع الاطفال علي التركيز والمذاكرة وقت الامتحانات
أفكار تشجيع الاطفال علي التركيز والمذاكرة وقت الامتحانات

علميا : تحسب الفترة الزمنية التي يستطيع فيها كل طفل التركيز جيدا دون تقطع حسب عمره كالاتي :

عدد السنوات في عمره +1   اذن لو طفل عمره 5 سنوات يستطيع ان يركز فقط 6 دقائق متواصله.

كيف نشجع الطفل على زيادة التركيز والمذاكرة وقت الامتحانات ؟

اعطي الطفل الامان قبل وقت المذاكرة يعنى مش تجيبي عصاية تحطيها جنبك وانتي بتزاكري معاه عشان يركز

لا طبعا كده هيخاف ويتشتت ويكره وقت المذاكرة جدا لكن علمي طفلك انه هيغلط عشان يتعلم الصح

وان مش مشكلة يغلط في البيت عشان يعرف الصح ويجاوب كويس في الامتحانات .

اجعل الطفل يختار المكان اللي يريحه والقعدة اللي يختارها عشان يبقى امر محببب للطفل مش عقاب وذنب فيضايق ويزهق.

لما تقعدي تزاكري مع طفلك خلي في راحة كل ربع ساعة منها يجدد طاقته ومنها ميحسش بالملل

ممكن يشرب فيها كباية عصير او يأكل سناكس بيحبها او يلعب شوية ونرجع نكمل تانى مش هنلعب بعد ما نخلص

مزاكرة ويقعد الطفل جنبك بالساعات فاقد التركيز وزهقان وعمال يفكر امتى هيقوم ويلعب

ذاكري لطفلك جزء جزء وليست كمية كبيرة ولا تنتقلي من درس الى الاخر الى بعد عمل أسئلة بسيطة تتأكدي ان الدرس السابق تم استيعابه جيدا وكافئيه عليها .

اختاري الوقت الصح للمذاكرة يعني ميكونش طفلك راجع من المدرسة هلكان وعرقان وجعان وتخليه يتغدي وتقعدوا تذاكروا طبعا هيكون تركيزة صفر لأنه صاحي بدري ومحتاج يفصل شوية ويرتاح فخليه ينام ساعتين يجدد نشاطه ولما يصحى ذاكريله هيكون تركيزة في القمة.

استعيني بوسائل ايضاح اثناء شرح الدرس وبلاش المعلومات ككتل صخرية مقدمة للطفل لكن حلليها وحكيها في قصة او العاب

فمثلا هاتي علبه أزرار وعلمي طفلك عليها العد والجمع والطرح

ارسمي رسومات وعلمي طفلك عليها الحروف والكلمات والالوان

لو طفلك في مرحلة متقدمة مثل 4 او 5 ابتدائي وبيدرس علوم وامراض احكي له المرض واعراضه في صورة مسرحية هو الطبيب وانتي المريضة وتقولي اعراض المرض وهو يشخصه عشان يكون الموضوع لطيف وظريف .

لا تتعنفي على الطفل او تضربيه لأنه هيتشتت انتباهه ويخوفه ويفقده تركيزه

اعلم ان ذاكرة الاطفال انواع فهناك ذاكرة بصرية : تتذكر اكثر بما تراه استعيني برسومات ووسائل ايضاح

وهناك ذاكرة سمعيه : فحاولي تقدمي الموضوع في صوره قصة مع تغييير نبرة صورتك لشد انتباهه .

وهناك ذاكرة عضلية : تتذكر بالحركات والرقصات والالعاب .

استبدلي الورقة والقلم بالبورد البلاستك لجذب الطفل وتشجيعه على الكتابة خروجا من مللل الورقة والقلم .

مقالات ذات صلة

زر الذهاب إلى الأعلى
إغلاق