ركن المرأةصحة المرأة

لكل ست بيت طريقة تنظيم اليوم وقت المدارس

لكل ست بيت طريقة تنظيم اليوم وقت المدارس لان  تشكو كثيرا من ربات البيت من كثرة المسئوليات وقت الدراسة ولا تستطيع ان توفق بين شغل البيت وبين الشغل بتاعها برا او بين وقت مذاكرة الاولاد ومسئولياتهم في المدارس وما بين شغل البيت اليكي الحل

لكل ست بيت طريقة تنظيم اليوم وقت المدارس

بالطبع تتعدد المسئوليات عن وقت الاجازة فكل سيدة مطلوب منها :تطبخ ، تنظف ، تشتغل ، تذاكر للاولاد

تجهز سندوتشات مدرسة، تصحى بدرى وتلبس ، مسئوليات كتير وستات كتير تفقد القدرة على عمل العديد

من كل المسئوليات طب والحل ؟

اولا: احضري ورقة وقلم وسجلي فيها المواعيد الهامة اليومية

مثلا : ذهاب الاطفال للمدرسة

عودة الاطفال من المدرسة

ذهاب زوجك للعمل

عودة زوجك من العمل

مواعيد الاستيقاظ

مواعيد النوم

تنظيم اليوم وقت المدارس
تنظيم اليوم وقت المدارس

وليكن وضع مخطط لليوم على النحو التالي :

– الاستيقاظ الساعه 6 ونص صباحا تقومي تحضري سندوتشات الاطفال وكوباية اللبن وبعدها تبدئي تصحي اطفالك

– ينزلوا المدرسة الساعه 7 تبدئي تحضري فطار لجوزك وانتي كمان تصحي جوزك وتقعدوا تفطروا سوا قبل ما ينزل

الشغل وتستمعوا بكوب شاي او نسكافيه ينعشكم ويصحصحكم

– عندك من 8 الصبح لحد عودة الاطفال الساعه مثلا 3 وقت فاضي ابدئي بقى قسميه على الطبخ وترتيب البيت

وياريت لو تخصصي يوم في الاسبوع تجهزي وتطبخي وتجمدي في الفريزر عشان مش كل يوم تقضي اليوم كله فى المطبخ فيبقى عندك وقت فاضي كتير

– يرجعوا الاطفال من المدرسة يتغدوا ويناموا شويه بقى انتي كمان نامي ” انتي صاحية من 6 ونص الصبح ”

لازم ترتاحي وتستعدي للفترة المسائية وهي الاصعب لانها مذاكرة للاولاد

– يصحوا الاولاد من النوم ينتعشوا بكوباية عصير او حته كيك ونبدأ نذاكر متنسيش الاطفال بتزهق بسرعة

فأعملي مكافئات وجوايز للى يحل الواجب ويخلص مذاكرته سواء هتزوديه المصروف او تزوديله الوقت اللي يسمع فيه التلفزيون

تنظم اليوم وقت المدارس

يعني لازم في اسلوب المذاكرة يكون في عنصر تشويق عشان تتعبيش يعنى لو تعملي نجوم ذهبية توزعيها على الاطفال لو التزموا بحل الواجب والمذاكرة واخر كل اسبوع اللي يجمع عدد كبير من النجوم ليه هدية او خروجه حلوة

– الساعة 9 لازم يتعشوا ولك الاسرة تتجمع وقت العشا مع بعض يحكوا عن يومهم عشان دة هيزود الترابط الاسري

– الساعة 10 لازم يكون الكل نايم وانتي اهم واحدة عشان جسمك يرتاح وياخد كفايته 8 ساعات عشان يقدر يواصل شغله تاني يوم من 6 الصبح

ولازم نعلم اطفالنا على الالتزام بالجدول يعنى مينفعش مينمش ويبقى عايز يتنطط طول اليوم ويضيع الوقت ولا انتي تنامي ولا هو ينام ويقعد يلعب وتبدئي تصرخي واليوم يضيع

لكن لازم يتحط جدول والكل يلتزم به

 

مقالات ذات صلة

زر الذهاب إلى الأعلى
إغلاق