الحمل والولادة

حوار مع طبيب عن تاخر الحمل وعلاجه

وجدت الزوجة انه مرت عده شهور على زواجها ولم يحدث حملت فنصحها الاهل بأستشارة طبيب نساء لمعرفة أسباب تأخر حدوث الحمل وكيف يتم علاجه . فلنقرأ حوار مع طبيب عن تاخر الحمل وعلاجه  الذى سيفيدنا بالكثير من المعلومات الهامة حول تأخر الحمل

حوار مع طبيب عن تاخر الحمل وعلاجه

الزوجة : يا دكتور انا متزوجة من 6 شهور ولسه محصلش حمل هل ده طبيعي ؟

الطبيب :

عاده بننصح الزوجين ان ينتظروا مرور العام الأول على الزواج للحكم على وجود مشكله حول تأخر الحمل وبنعرفها بأجراء فحوصات وتحاليل.

 

الزوجة : مشاكل ؟ ايه نوع المشاكل اللي ممكن تكون سبب في تأخر حملى ؟

الطبيب :

اولا :مشاكل تخص الزوجة من تكيسات على المبيض او مشاكل في الغده النخاميه المسئوله عن تنشيط المبيض لاخراج البويضات ونتعرف عليها من عدم انتظام الدورة مثلا تأتى دوره كل شهرين او كل 3 شهور او انسداد في قناه فالوب اللي بيحصل فيها الاخصاب.

ثانيا : مشاكل تخص الزوج مثل ” قله عدد الحيوانات المنوية او ضعف في حركتها او كفائتها في اختراق البويضه .

 

الزوجة : طب أزاي المشاكل دى تأخر على حدوث الحمل ؟

الطبيب :

لكى يحدث حمل لابد ان يحدث اخصاب بصورة طبيبعيه وفيه الحيوانات المنوية تسافر من المهبل الى عنق الرحم ثم الى الرحم ثم الى قناه فالوب لتلتقى بالبويضه وتفرز انزيمات لاختراق القشرة حول البويضه

وما ان يخترقها حيوان منوى يختلط الماده الورائيه بتاع الحيوان المنوى بماده البويضه لتكون جنين ويجى في الرحم ويزرع نفسه في بطانه الرحم ويبدأ ينقسم لتكون جنين وهو ده الحمل بصوره طبيعية ولو حصلت مشكله في أي خطوه من دول مش هيحصل حمل بشكل طبيعي او هيتأخر الحمل .

حوار مع طبيب عن تاخر الحمل وعلاجه
حوار مع طبيب عن تاخر الحمل وعلاجه

الزوجة : مشاكل ايه يادكتور ؟

الطبيب :

ممكن تكون الحيوانات المنوية عددها قليل فمتقدرش كلها تسافر الرحله الطويل هدى حتى تصل للبويضه فمش هيحصل حمل فعشان كده لازم عددهم يكون كتير جدا من 15-20 مليون حيوان منوى عشان يعوض اللي هيفقد في الطريق .كمان لازم تكون حركتهم سريعة وذو كفاءه يقدروا يخترقوا قشره البويضه للتخصيب .

 

الزوجة : طب لو عملنا تحاليل وانا معنديش مشاكل في المبيض وزوجى عدد حيواناته المنوية كتيره بس لسه محصلش حمل ايه السبب؟ ونعمل ايه؟

الطبيب :

ممكن بالرغم من ان عدد المنى كتير لكن كفاءته ضعيفة يعنى قدر يوصل للبويضه لكن مش قادر يخترقها .

 

الزوجة : طب أيه الحل عشان احمل ؟

الطبيب : في 3 طرق بتعالج المشكلة دى

1– التلقيح الصناعي : هي طريقه بنقصر على الحيوانات المنوية المسافة اللي بتاخدها وصولا للبويضه وبنقوم بوضع الحيوانات المنوية علطول في الرحم .

2– طفل الانابيب: بنشط المبيض بمنشطات عشان يطلع بويضات كتير ونسحب البويضات دى خارج الجسم لحدوث اخصاب خارج الجسم ونخلطها مع الحيوانات المنوية في درجه حراره تعادل حراره الجسم لمده 24 ساعه وما ان يحدث الاخصاب وبدأت تنقسم وتكون جنين نسيبه 3 أيام ثم نبدأ في زرع الجنين جوة رحم الزوجة ليكمل نموه.

3– الحقن المجهرى : نفس خطوات طفل الانابيب بس بتختلف في اننا بنحقن الحيوان المنوى جوة البويضه مش بنسيبه يخترقها لوحده واول ما يحصل اخصاب بنزرعها في رحم الزوجة .

الزوجة : شكرا يا دكتور على المعلومات القيمة دى .

 

 

مقالات ذات صلة

زر الذهاب إلى الأعلى
إغلاق