تغذية الطفل

سندوتشات للاطفال بأفكار جديدة للمدرسة بالصور

أكتر حاجة بتحير الأمهات أيام الدراسة هي سندوتشات للاطفال خاصة أنهم بيحبوا التجديد كل شوية ولأنها شيء ضروري مينفعش نهمله، هنقدم ليكي أفكار متنوعة عشان متحتاريش كل يوم هتعملي أيه سندوتشات لطفلك ويعجبه.

سندوتشات للاطفال بأفكار جديدة للمدرسة بالصور

 سندوتشات للاطفال بأفكار جديدة للمدرسة بالصور
سندوتشات للاطفال بأفكار جديدة للمدرسة بالصور

الفكرة الأولى

لازم ننوع لطفلنا من فاكهة وخضار وسندوتشات ونجيب علب صغيرة نحط فيها كل حاجة ونقفلها

هيحبوها الأطفال وهيحسوا بالتنوع ومثال لكدة:

نحط في علبة شوية مكسرات زي جوز ولوز وعين جمل ” يساعدوا الطفل على المزاكره والتحصيل ويحموا خلايا المخ ”

وفى علبة تاني شوية خس مع قطعة من كوسة بالباشميل صغيرة ممكن تكون باقية من وجبة الغذاء اللي عملتيها اليوم اللي قبله .

وفي علبة تالتة نحط حاجة يحلي بيها الطفل وتكون مغذية زى قطعة من كيكة الزبادي

” الطريقة : اخلطي كوب بيض مخفوق مع كوب من السكر ورشة فانيليا واخفقي حتى تحصلي على رغوة

ثم ضيفي كوب دقيق بالتدريج واخفقي ثم علبة زبادي واخفقي

ثم في النهاية ضيفي ربع كوب زيت واخلطيهم معا وفي صينية مدهونة سمنة حطيها في فرن ساخن 180 درجة لمدة 20 دقيقة” .

الفكره الثانية

 سندوتشات للاطفال بأفكار جديدة للمدرسة بالصور
سندوتشات للاطفال بأفكار جديدة للمدرسة بالصور

في علبة نحط شوية كشري ” تمد الطفل بكل النشويات الضرورية للحصول على الطاقة اللازمة في يومه الدراسي ”

ومعاها فطائر محشية سبانخ وجبنة شيدر أو جبنة بيضا بيبقى طعمها حلو ومغذية

وفي علبة تانية نحط قطع من المانجو مع شوية مكسرات.

الفكرة الثالثة

في علبة نحط سندوتش صغير بيض مقلي بالطماطم والفلفل الأخضر غني بفيتامين سي

ومغذي مع شرائح خيار مقشرة .

وفي العلبة الثانية نحط كب كيك شيكولاتة يحلى بيها

مع عصير فواكه ومكعب جبنة كيري أو أي جبنة مثلثات بيحبها طفلك

وطبعا مننساش زجاجة المية خاصة تحمي الطفل من الجفاف في الجو الحار وعند التعرض للشمس.

الفكرة الرابعة

في علبة نحط فطيرة محشية خضار وسندوتشات على شكل لفائف سوشي

” الطريقة : جيبي العيش التوست وافرديه بالنشابة اللي بتفردي بيها العجائن واحشيها بالتونة و الخس

وممكن كل يوم تحشيها حاجة لأن الأطفال هيحبوها جدا كفكرة لذيذة للسندوتشات

ولفيها زى السوشي أو السويسرول وقطعيها كل قطعة تكفي لقمة مع قطع خيار وفلفل أحمر .

وفي علبة تاني نحط كيكة مخبوزة بالدقيق الأسمر مع قطع تفاح مقشر

الفكرة الخامسة

 سندوتشات للاطفال بأفكار جديدة للمدرسة بالصور
سندوتشات للاطفال بأفكار جديدة للمدرسة بالصور

في علبة حطي كوكيز عين الجمل مع شرائح الجبنة الشيدر واعمليها بأشكال علشان ياكلوها الولاد مثلا شكل وردة مع لفائف الأومليت بحشو جبنة ”

بعد ما تعملي الأومليت ادهنيه جبنة من ناحية واحدة ولفيها رول وقطعيها لقم صغيرة وقدمي معاها قطع طماطم .

وفي علبة ثانية : حطي شرائح فواكه وليك تفاح وكيوي ” الكيوي يحتوي على فيتامين سي أربع أضعاف البرتقال”

وحطي قطع بسكوت معها وممكن نحط علبة زبادي أو زبادو بالفواكه لذيذ ومغذي .

 

الوسوم

مقالات ذات صلة

زر الذهاب إلى الأعلى
إغلاق