دروس تعليم الكروشية

طاقية ميكي وميني ماوس كروشيه بالخطوات

طريقة طاقية ميكي وميني ماوس كروشيه للولاد و للبنوتات الصغار شخصياتهم المفضلة من الكروشية أعمليها بنفسك بسيطة وغير مكلفة وبخطوة بخطوة .

طاقية ميكي وميني ماوس كروشيه بالخطوات

الأدوات:

-ابرة كروشيه مقاس 5 مم او H

– خيط صوف أسود سميك جدا

– خيط بينك سميك ناعم

– مشابك شعر ( بنس )

 

الطريقة:

مقسمة 3 اجزاء .

1. الطاقية

2. الاذن

3. الفيونكة

طاقية ميكي وميني ماوس كروشيه بالخطوات
طاقية ميكي وميني ماوس كروشيه بالخطوات

أولا : طريقة الطاقية

( باللون الاسود )
1. نعمل حلقة ،او نعمل دائرة سحرية (يفضل الدائرة السحرية). راجعى الدرس الاول
2. نشتغل عدد واحد سلسلة ( 1 ) بعد الحلقة مباشرة ،كإرتفاع اول سطر.
3. هنعمل 10 غرزة نصف عمود ( hdc ) بداخل الحلقة .ثم نوصل اخر غرزة نصف عمود بأول غرزة نصف عمود عملناها (يعنى نعمل منزلقة) ونقفل السطر.

السطر التاني : نشتغل سلسلة ( 1 ) كإرتفاع، ثم نشتغل 2 غرزة نصف عمود في كل غرزة ، ثم اعملي وصل اخر غرزة بأول غرزة ،(يعنى نعمل منزلقة) ونقفل السطر. (هانحصل على 20 غرزة نصف عامود)

السطر الثالت : إرتفاع سلسلة ( 1 ) ،ثم بالترتيب ( 2 نصف عمود في غرزة ثم نصف عمود في اللي بعدها ) ، ثم اوصلي السطر بمنزلقة. (هانحصل على 30 غرزة نصف عامود)

السطر الرابع :  سلسلة ( 1 ) ،بالترتيب ( 2 نصف عمود في غرزة ثم نصف عمود في اللي بعدها ثم نصف عمود في اللي بعدها ) ،ثم اوصلي السطر بمنزلقة.

السطر الخامس : إرتفاع سلسلة ( 1 ), ثم بالترتيب ( 2 نصف عمود ثم نصف عمود ثم نصف عمود ثم نصف عمود ) ثم اوصلي السطر بمنزلقة.

السطر السادس : سلسلة ( 1 ) كإرتفاع , ثم بالترتيب ( 2 نصف عمود ثم نصف عمود في 9 فراغات ) ثم اوصلي بمنزلقة وقفلى السطر.

 الاسطر7 و حتى الطول المناسب : هتكون نصف عمود في كل غرزة و أوصلي في نهاية كل سطر والإرتفاع دائماً سلسلة ( 1 ) لكل سطر.

ملاحظة مهمة جدا :

هنخلي اخر 4 او 5 سطور تعمليهم باللون البينك.

طاقية ميكي وميني ماوس كروشيه بالخطوات
طاقية ميكي وميني ماوس كروشيه بالخطوات

ثانيا : طريقة الاذن

هانعمل حلقة سحرية  ثم سلسلة ( 1 ) كإرتفاع.

12 نصف عمود داخل الحلقة ، ثم نوصل اخر غرزة بأول غرزة ونقفل السطر بمنزلقة.

السطر التاني : سلسلة ( 1 ) كإرتفاع، ثم 2 نصف عمود في كل غرزة ، ثم اوصلي بمنزلقة.

السطر التالت :   سلسلة ( 1 ) ، ثم بالترتيب ( 2 غرزة حشو في غرزة ثم غرزة حشو في اللي بعدها ) ، ثم اوصلي  بمنزلقة, ورتبي الاطراف.

ملاحظة :

ممكن عمل 4 ودان ونحط كل اتنين فوق بعض و نخيطتهم بيكون شكلهم متماسك اكتر .

 

ثالثا : طريقة الفيونكة

طاقية ميكي وميني ماوس كروشيه بالخطوات
طاقية ميكي وميني ماوس كروشيه بالخطوات

كما بالصورة .  نعمل عدد ( 16 ) سلسلة

السطر الاول : هنسيب اول غرزة بعد ابرة الكروشيه و التانية هنعمل فيها نصف عمود ، ثم 14 غرزة حشو في الغرز الباقية.

السطر التاني : إرتفاع سلسلة ( 1 ) و هنلف القطعة عشان نكمل شغل اسطر .

 من السطر التاني للخامس : هنحط نصف عمود في كل غرزة و عند اخر غرزة في السطر الخامس ممكن نعمل حركة حلوة انه نعمل غرزة حشو كتقفيلة لتجميل الحواف للقطعة (راجعى درس غرزة الحشو)  كلها لحد ما نرجع مرة تانية لاخر غرزة في السطر الخامس .
فى الاخر هنجيب خيط من نفس اللون طويل و نقعد نلف فيها في منتصف القطعة عشان نشكل شكل الفيونكة ونحاول نزبط شكل الفيونكة.

و نثبت الاذن على جنب الطاقية فوق باستخدام ابر خياطة الصوف
و نفس الشىء الفيونكة نثبتها قدام .

 

طريقة عمل طاقية ميكى ماوس .عشان الولاد مايزعلوش

نفس الخطوات لكن بدل الخيط البينك نستخدم خيط لونة أحمر . وبدون فيونكة .

الوسوم

مقالات ذات صلة

‫2 تعليقات

زر الذهاب إلى الأعلى
إغلاق