نصائح منزلية

طريقة عمل الصابون ومنظف الزجاج منزلياً بكل سهولة

كلنا بنستهلك الصابون السائل بشكل كبير جدا ولا يمكن الغنى عنه طبعا في أي بيت هو ومنظف الزجاج وعشان تكلفتهم بتكون عالية هنقدملك النهارده طريقة عمل الصابون ومنظف الزجاج في البيت وبكل بساطه من غير أي ماكينات او ادوات وممكن كمان تعملى منهم مشروع وتزودى دخل اسرتك بكلام بسيط وخامات متوفره في كل حته .

طريقة عمل الصابون ومنظف الزجاج منزلياً بكل سهولة

اولا : طريقه عمل الصابون السائل

الخامات المطلوبة :

ا لتر ماء
صوديوم هيدروكسيد محلول ” بنحتاج 4 لتر لكل 100 كجم صابون هنعمله ” يعنى على لتر الماء هنحتاج حوالى 3 معالق او أقل ”
سلفونيك أسيد بنسبه 10 % ” يعنى لكل كيلو هنحتاج 100 جرام منه فقط ”
ورق عباد الشمس ” ورقه PH ”
ماده حافظه ” 2 جرام لكل كيلو صابون هنعمله لتخزينه لشهور
جلسرين : 2 جرام لكل كجم صابون ” للحفاظ على نعومه الايد ”
ريحه فواكه او ريحه ليمون “2 جرام ”
الوان صناعيه ازرق او اصفر او أخضر ” جرام لكل كيلو ”

الطريقة:

في طبق عميق ضعي لتر الماء مع 100 جرام سلفونيك أسيد وقلبى كويس حتى تمام الذوبان
ثم ضيفى 3 ملعقة من محلول صوديوم هيدروكسيد وذوبى كويس جدا حتى يكونوا رغوه .
كده الماء بقى فيه حاجه حمضيه وهو ” السلفونيك أسيد ” وحاجه قلويه ” محلول صوديوم هيدروكسد” وعشان يتكون صابون سائل كويس لازم يكونوا متعادلين ومفيش ماده ازيد من ماده حتى لو نقطه . طب نعرف أزاي ؟

بنشترى ورق اسمه ورق عباد الشمس او ورقه PH . وهى لونها أصفر فنحطها جوة المحلول اللي عملناه لو طلع اصفر زى ما هو يبقى الصابون ده 100 – 100 ومظبوط جدا ..لو طلعت الورقة لونها احمر او برتقالى يبقى حمض السلفونيك زاد مننا شويه فنروح ننقط شويه محلول هيدروكسيد عشان نعادل بيه لحد ما الورقة تبقى لونها أصفر . لو الورقة لونت ازرق او بنفسجى يبقى محلول الهيدروكسيد زاد فننقط حمض السلفونيك لحد ما تبقى الورقة لونها أصفر ويبقى كده الصابون جهز.

ثم نضيف الماده الحافظه وندوبها كويس عشان يقعد الصابون السائل بالشهور والسنه سليم ومحتفظ بنظافته .
ثم نضيف جلسرين وندوبه كويس عشان ايدينا متتهريش من الصابون .
ثم نضيف ريحه ليمون او ياسمين عشان يعطر الاوانى والاطباق وندوبه
ثم نضيف نقطه من اللون الصناعي وندوب كويس
يعبأ المحلول في علب زجاجيه محكمه الغلق حين الاستخدام .

 

ثانيا ” طريقه عمل منظف الزجاج “

المقادير :

لكل كيلو هنعمله هنحتاج :

900 مللي ماء , كحول ايزوبروبانول 100 جرام , لون ازرق 1جرام , ريحه ياسمين 1 جرام ,جلسرين اجرام .

الطريقة :

ذوبى الكحول في الماء جيدا
ثم ضيفى الجلسرين ودوبى ثم ضيفى لون ازرق وقلبى ثم ضيفى الريحه وقلبى .
قومي بتعبأتهم في بخاخ للاستخدام

 

ملاحظه :

هنا لا نضع ماده حافظه لان الكحول يقتل البكتيريا ويعمل كماده حافظه .

 

 

مقالات ذات صلة

زر الذهاب إلى الأعلى
إغلاق