طريقة عمل شامبو الثوم لتساقط الشعر

0
الثوم يستخدم في الغالب باعتباره عنصرا الطبخ في معظم الأسر، والثوم لديه خصائص مضاد للجراثيم قوية والخصائص الطبية هذه هى السبب في انه كان يستخدم من قبل الحضارات القديمة للشفاء من عدد من الأمراض الجلدية وأمراض خطيرة اخرى ويعتبر الثوم من اهم العناصر الغذائية المفيدة للشعر لذلك نقدم لكم طريقة عمل شامبو الثوم لتساقط الشعر 
طريقة عمل شامبو الثوم لتساقط الشعر

طريقة عمل شامبو الثوم لتساقط الشعر

فوائد شامبو الثوم :

  • استخدام شامبو مستخلص الثوم يساعد في شفاء التهابات فروة الرأس وتحسين صحة الشعر بشكل كبير
  • الثوم مفيد جدا في تقوية الشعر وبالتالي بيمنع التساقط وبيساعد على نمو الشعر وتكثيفه ومش بس كده كمان بيساعد على تطويل الشعر وعلاج القشرة وحكة فروة الراس, وبيصلح تلف الشعر
طريقة عمل شامبو الثوم لتساقط الشعر

طريقة عمل شامبو الثوم لتساقط الشعر

طريقة شامبو الثوم لعلاج تساقط الشعر:

  • اول حاجة نختار الثوم اللي بيكون لونه على بنفسجي شوية وفصوصه كبيرة ومافيش مشكلة من استخدام الثوم الابيض بس الثوم اللي بتكون فصوصه مديه شوية على بنفسجي بيكون افيد
  • بعد اختيار الثوم هنختار نوع الشامبو اللي هنخلط معاه الثوم نجيب شامبو شعر من العادي بس الافضل تكون مكوناته فيها حاجات طبيعية زي الليمون او الحنة او معمول من نباتات طبيعية.
  •  دلوقتي بعد ما حضرنا الثوم والشامبو هنجهز الثوم هنجيب من 10 – 15 فص ثوم هنقشرهم ونغسلهم كويس بالمية وبعدين هنفرم الثوم كويس جدا في الخلاط لحد ما يبقى ناعم خالص وممكن نضيف عليه كمية قليلة من المية عشان يبقى قوامه كريمي وعشان الريحة ممكن نحط اضافات كميات صغيرة من زيت الزيتون وزيت النعناع وزيت شجرة الشاي
  • هنخلط الزيوت دي مع الثوم كويس هيبقى عندنا معجون كريمي هنضيفه للشامبو بتاعنا ونخلطهم مع بعض كويس.
 

طريقة إستخدامه

  •  الشامبو ده ممكن نستخدمه من 1 – 3 مرات في الاسبوع على الشعر وفروة الراس
  • هناخد كمية من الشامبو على الايد ونحطها على الشعر وندلكه كويس ونسيبه من 3 – 4 دقايق وبعدين يتغسل بالمية وممكن تغسليه بالبلسم.
طريقة عمل شامبو الثوم لتساقط الشعر

طريقة عمل شامبو الثوم لتساقط الشعر

طرق أخرى لإستخدام الثوم

اننا نعمل بيه ماسك للشعر, هنجيب زيت زيتون او زيت جوز هند وندفيهم على النار شوية ونفرم الثوم ونضيف عليه الزيت السخن ونخلطهم مع بعض كويس وندلك بيه الشعر وفروة الراس ونلف الشعر بفوطة سخنة ونسيبه نص ساعة وبعدين نغسله بالشامبو والبلسم, وممكن نكرر الماسك ده مرتين في الاسبوع.

وغير الطرق الموضعية او الماسكات ممكن نستخدم الثوم عن طريق البلع ده مفيد جدا لتعزيز نمو الشعر, وبيساعد في التخلص من مشاكل فروة الراس من الداخل, وممكن ناكله باكتر من طريقة ممكن نطحن قرنفل مع الثوم ونبلعهم مع لبن دافي متحلي بالعسل كل يوم.

اوممكن تخلطي الثوم المفروم مع عصير الفاكهة او الخضروات, وتحاولي تستخدميه في اكتر اكلاتك على قد ما تقدري.

طريقة عمل شامبو الثوم لتساقط الشعر

طريقة عمل شامبو الثوم لتساقط الشعر

مقالات اخرى قد تهمك (مقدمة لك من جوجل):
شارك المقالة على:

عن الكاتب

Omnia