ماسكات الفراولة لتفتيح ونضارة البشرة

Google+ Pinterest LinkedIn Tumblr +

الفراولة ليست جيدة فقط لصحتك ولكن أيضا لبشرتك. فهي غنية بفيتامين C ومضادات الأكسدة التي تساعد في تبيض البشرة، ومحاربة الشيخوخة لذلك نقدم لكم ماسكات الفراولة لتفتيح ونضارة البشرة .

ماسكات الفراولة لتفتيح ونضارة البشرة

ماسكات الفراولة لتفتيح ونضارة البشرة

فوائد وصفات الفراولة للبشرة :

1- الفراولة مضادة للالتهابات و بتساعد البشرة فى انها تتخلص من السموم ، علشان كده فعالة فى علاج الحروق و كمان بتساعد فى تقليل ظهور علامات تقدم السن على البشرة و بتخليها خالية من البقع و بتحمى البشرة من اشعة الشمس الضارة .

2-الفراولة بتساعد البشرة فى انها تتخلص من خلايا الجلد الميتة .

3- الاحماض الموجودة فى الفراولة فعالة فى علاج الحبوب و خصوصا حب الشباب .

4- الفراولة غنية بفيتامين c و ده بيساعد على افراز الكولاجين و التقليل من ظهور التجاعيد ، كمان غنية بالاوميجا 3 اللى بيساعد على تقليل الهالات السوداء و توحيد لون البشرة ، كمان بتساعد فى التخلص من الحبوب و العلامات الناتجة عنها .

ماسكات الفراولة لتفتيح ونضارة البشرة

ماسكات الفراولة لتفتيح ونضارة البشرة

 

ماسك لعلاج عيوب البشرة :

المقادير :

  • كوباية من الموز و الفراولة
  • ربع كوباية من الزبادى او الـ sour cream
  • معلقة اكل من العسل الابيض

 

الطريقة :

  • هتهرسيهم كويس اوى لحد ما يبقوا شبه المعجون ، و هتضيفى عليهم المكونات  .
  • اخلطى المكونات دى كويس مع بعضها و بعدين افرديها على وشك و سيبيها حوالى 15 دقيقة، بعد مرور الوقت اغسلى وشك بالمياه .
  • الوصفة دى من وصفات الفراولة هتساعدك ان بشرتك تبقى نقية و خالية من اى بقع او علامات .
ماسكات الفراولة لتفتيح ونضارة البشرة

ماسكات الفراولة لتفتيح ونضارة البشرة

ماسك الفراولة و العسل :

  • اطحنى كمية مناسبة من الفراولة لحد ما تبقى شبه العجينة الناعمة و ضيفى ملعقة اكل من العسل الابيض و قلبيهم كويس مع بعض
  • افردى المعجون ده على وشك كله و سيبيه حوالى 15 دقيقة علشان بشرتك تتشرب المكونات كويس .
  • بعد مرور الوقت اغسلى وشك بمية دافية و نشفى وشك بفوطة قطنية .
  • العسل هيساعد بشرتك انها تتخلص من السموم و الاتربة و الفراولة هتخلصك من الحبوب و البثور.
ماسكات الفراولة لتفتيح ونضارة البشرة

ماسكات الفراولة لتفتيح ونضارة البشرة

 ماسك الفراولة و اللبن :

  • اعملى مطحون من الفراولة و ضيفي مقدار معلقتين من اللبن و مقدار قليل من اى كريم مرطب تفضليه
  •  امزجيهم ببعض كويس و بعدين افرديهم على وشك و سيبيهم حوالى 10 دقايق
  • و بعدين اغسلى وشك بمية فاترة.
  • الوصفة دى من وصفات الفراولة هتخلى بشرتك مشرقة و بتساعد فى شد بشرة الوش و تقليل علامات و خطوط تقدم العمر .
ماسكات الفراولة لتفتيح ونضارة البشرة

ماسكات الفراولة لتفتيح ونضارة البشرة

وصفة الفراولة و دقيق الارز :

  • اهرسى مقدار من الفراولة كويس و ضيفى مقدار معلقة من دقيق الارز
  • اخلطيهم كويس مع بعض و افردى الخليط على وشك و سيبيه ربع ساعة و بعدين اغسلى وشك كويس بمية فاترة.
  • النشويات اللى فى الارز هتشتغل كـ scrub يبقى بشرتك و يزيل كل الجلد الميت و ده هيخلى خلايا الجلد الحية تظهر فوشك هيبان شباب و متألق اكتر .
ماسكات الفراولة لتفتيح ونضارة البشرة

ماسكات الفراولة لتفتيح ونضارة البشرة

 وصفة الفراولة و الكريم المرطب :

  • اعملى خليط من الفراولة المهروسة مع نسبة من الكريم المرطب لو بشرتك جافة
  •  لو بشرتك دهنية استخدمى زبادى بدل الكريم ، و ضيفى ملعقة اكل من العسل الابيض .
  • امزجيهم مع بعض كويس و افرديهم على وشك و سيبيه لمدة 10 دقايق و بعدين اغسلى وشك بالمية.
  • الماسك ده مفيد جدا فى علاج الحبوب و ممكن تحتفظى بالكمية الباقية فى الفريزر و تستخدمى الماسك بانتظام ، الوصفة دى من وصفات الفراولة هتساعد بشرتك فى انها تبقى انعم و انقى .
ماسكات الفراولة لتفتيح ونضارة البشرة

ماسكات الفراولة لتفتيح ونضارة البشرة

  ماسك الفراولة و الشوكولاته :

  • الفراولة و الشوكولاته ليهم فوايد كبيرة لبشرتك ، اهرسى مقدار من الفراولة و حطى عليهم معلقة من بودرة الكاكاو و معلقة من العسل الابيض
  • امزجيهم مع بعض و افرديه على وشك كله و سيبيه حوالى ربع ساعة و بعدين اغسلى وشك بمية دافية .
  • الوصفة دى هتخلى بشرتك مشرقة و هتنعم من ملمس بشرتك .

سكرب الفراولة :

  • اقسمى حبة فراولة نصين و ادعكى بيها وشك كله فى حركة لطيفة
  • سيبيى وشك من دقيقة لدقيقتين و بعدين اغسلى وشك بالمية
  •  الفراولة هتجدد بشرة وشك و هتخليها متألقة و فريش
  •  الاحماض الموجودة فى الفراولة هتساعد بشرتك انها تتخلص من خلايا الجلد القديمة و الميتة .

الفراولة كـ toner للبشرة :

  • اضربى مقدار من الفراولة فى الخلاط و بعدين صفيها و خدى العصير حطى عليه مقدار مساوى من مية الورد و رجيهم كويس .
  • استخدمى مزيج عصير الفر اولة و مية الورد بانتظام كـtoner لبشرتك و لاحظى مع الوقت بشرتك هتبقى صافية و مشرقة و خالية من اى تصبغات او بقع
  •  التونر ده كمان هيساعدك فى التقليل من التجاعيد .
ماسكات الفراولة لتفتيح ونضارة البشرة

ماسكات الفراولة لتفتيح ونضارة البشرة

 

مقالات اخرى قد تهمك (مقدمة لك من جوجل):
شارك المقالة على:

عن الكاتب

Omnia