نصائح منزلية

نصائح لتحضيرات طعام رمضان رائعة تخفف من تعبك وتسهل عملك

رمضان على الابواب اللهم بلغنا رمضان وده شهر فضيل لا يجب تضيع وقته فى تحضيرات الطعام والتنظيف إليكِ نصائح لتحضيرات طعام رمضان رائعة ليمكننا ان نحضر بعض الاشياء لتسهل علينا الاعباء والتحضيرات كى نتفرغ للعبادة والاستمتاع بالاجواء الروحانية الجميلة

نصائح لتحضيرات طعام رمضان رائعة

– الطعام

– جهزى عصاج بكمية كبيرة حسب احتاجك وقسميه باكياس وطبعا طريقته بنحمر البصل مع اللحم بدون دهون على نار متوسطة حتى ينزل اللحم ماؤه ثم يشربه مرة اخرى ويتبل بالملح والفلفل والبهارات وعندما يبرد يقسم اكياس حسب الحاجة طبعا للمكرونة البشاميل والرقاق والسمبوسك هنطلعه قبلها الكيس يفك وبعدين نحشى بيه عادى

– هنعمل بوفتيك وبانيه بنفس الطريقة وبدل قليه هنضعه فى اطباق وبينهم اكياس لعدم الالتصاق ونحفظه بالفريزر لوقت التحمير

– الثوم هنفرم كمية كبيرة ونحفظه بالبرطمان ونغطيه بالزيت ونحفظه بالفريزر لوقت الاحتاج ناخد منه ونحفظ الباقى وممكن نحفظه فى علبة مكعبات الثلج عشان ميتفكش كل الكمية ناخد مكعب محفوظ بالزيت بردود ونحفظ الباقى هيسهل دق الثوم وشمه وقت الصيام

– طبعا الخضروات بتتنضف وتتحط باكياس بالفريزر مثل البسلة والسبانخ نحفظ على اد الكمية بس السبانخ تغسل وتترك لتجف قليلا قبل الحفظ اما البسلة والقلقاس مجرد حفظ بعد التقشير والقلقاس طبعا بنعمله خلطة السلق المحمر ونحفظه معاه

اعملى كمان خضار مشكل مقطع فاصوليا خضراء وجزر وبسلة وبروكلى وكوسة واحفظيهم بالفريزر الوجبة دى بتقى رائعة بالعزومات وورقة اللحمة وطبعا التورلى باللحمة

– الكبيبة اعملى كمية واحفظيها باكياس او اطباق فل مثل السوبر ماركت تبقى جاهزة على القلى او التسوية بالفرن

– السمبوسك ايضا اعمليه ويبقى جاهز على القلى

– ابشرى جبنة شيدر واحفظى موتزريلا ممكن تفاجأى عائلتك بمعجنات رائعة فى السحور وممكن تعجينيها قبل السحور بساعة

– هاتى فول ودمسيه بالبيبت هتنقعيه مع ملعقة ارز وملعقة عدس اصفر 3 ساعات وبعد كده زوديه ماء نظيف اى غيرى الماء وعلى النار هادية بعد الفطار ينضج قبل السحور

– اخلطى زبيب وجوز هند وسكر ومكسرات مجروشة او سودانى فى برطمان كبير ويكون جاهز لحشوة الكنافة والقطايف

– اخلطى مكونات الخشاف زبيب وياميش وضعيهم ببرطمان وابقى خدى كمية منهم انقعيها كل يوم هيسهل كتير

– احفظى فى برطمان ثالث التمر المجفف منزوع النواة يعنى انزعى النواة قبل رمضان كده مش هتضطرى تزيلى النواة وانتى صايمة وتضيعى وقت

– حاولى يكون معظم اكلاتك نى فى نى فى الفرن صحى اكثر وخفيف يتناسب مع الصيام والاهم هتحطى كل المكونات على بعض مع قليل من الزيت او السمن وعلى الفرن على طووول مثل طاجن الخضروات باللحمة هتحتاجى بس تسلقى اللحمة قبل وضعها بالفرن وطبعا الفراخ هتقطعيلها بصل وتتبليها وفى كيس الفرن وتريحى دماغك احلى فراخ مشوية

– متنسيش البقوليات مهمة برمضان يعنى يوم التحابيش زى ما الاسكندرانية بيقولو ده يوم مهم بطاطس محمررة وفول وعجة يوم

او لوبيا بالصلصة وجنبها ارز بالشعرية بدون لحمة اصل الصيام مش هينفع من غير لحمة يعنى ان شاء الله هينفع ريحوا معدتكم يوم ولو مقتدرين فطروا كام صائم بفلوس اللحمة هتكسبى كتييير

يوم كشرى عدس اصفر وسلطة خضراء وبطاطس محمرة وبيض مسلوق اكلة مغذية جدا لعائلتك وطعمها احلى من اللحمة

نصائح لتحضيرات طعام رمضان رائعة تخفف من تعبك وتسهل عملك
نصائح لتحضيرات طعام رمضان رائعة تخفف من تعبك وتسهل عملك

يوم كشرى مصرى ودى من افيد واهم الوجبات متكاملة العناصر الغذائية ومتنسيش طبق السلطة الخضراء او الزبادى

– متعمليش كميات من الحلويات اعملى كمية صغيرة وكمان تنفع يومين او ثلاثة صينية صغيرة كنافة وطبق قطايف مش عاوزين نخرج من رمضان الوزن ثقيل دى فرصة لقفل الفم من الاكلات

– السحور نوعى فيه مش كل يوم فول وزبادى وجبنة مرة معجنات او باتيه ومرة زبادى وفاكهة

– ممكن كمان تقطعى الكبدة وتضعى عليها دقة الثوم وتحفظيها بالفريزر على التسوية بس خلى الثوم بكيس صغير لوحده

حضرى الفواكه اللى هتعصريه بالفريزر مثلا اغسلى الفراولة وقسميها اكياس وعلى الفريزر والمانجو وكمان حضرى بيوريه العصائر من الفواكه على الخلط مع الماء

نصائح لتحضيرات طعام رمضان رائعة تخفف من تعبك وتسهل عملك
نصائح لتحضيرات طعام رمضان رائعة تخفف من تعبك وتسهل عملك

البيت

قبل رمضان ان شاء الله نظفى البيت كله ونفضيه تنضيفة العيد واغسلى السجاد كله او ابعتيه المغسلة ولما يتغسل لفيه كله واحفظيه للعيد وافرشى السجاد الضرورى فقط او افرشى السجاد البديل اذا كان عندك

بس السجاد المغسول اللى هتفرشيه طول ما البيت خالى من الضيوف غطيه بمشمع او حافظة السجاد عشان قبل العيد يدوب تنضفيه تنضيفه خفيفة بالمكنسة وبليفة مبللة خل وكربوناتو وماء وكمان عشان يفضل نظيف ولما ضيوفك يحضروا عزومتك مش عيب تخليهم يخلعوا احذيتهم عند مكان خلع الحذاء حتى لا يجهدوكى بالتنضيف وكمان عشان مكان الصلاة

– خلى دايما فى كل غرفة سلة مهملات بها اكثر من كيس فوق بعض اى كيس يمتلىء زيليه واللى تحته هيكون نظيف

يا رب النصائح تكون عجبتكم

 

مقالات ذات صلة

زر الذهاب إلى الأعلى
إغلاق