نصائح لكل أم بتطلع عصبيتها على أولادها بسبب جوزها

0

لكل أم بتطلع همها وعصبيتها نتيجة خنقتها على أولادها إنتي هتطلعي أولادك مرضى نفسيين ،ورداً علي الأمهات اللي بيقولوا : ماقدمناش غير العصبية علي ولادنا عشان ننفس عن ضغوط الزوج والحياة . و ما باليد حيلة! هنقدم لكم نصائح لكي تتفادي هذه المشكلة .

نصائح لكل أم بتطلع عصبيتها على أولادها

نصائح لكل أم بتطلع عصبيتها على أولادها

أحب أقول لكل أم  :

  • زي ما جوزك هو بيقدر يتكلم ويقول “شيلي انتي” . انت من حقك تردي بأدب وزوق و تعاطف “انا مقدرة انك مش بتحب تعمل كذا . وانا كمان مش قادرة . صحياً مش قادرة و بقيت أأثر علي نفسية الولاد من كتر الضغط اللي عليا . اكيد الولاد أهم ونفسيتهم أهم . وانا متأكدة انك هتلاقي حل لموضوع ال كذا . وربنا يخليك لينا”

طيب هيكون رد فعل جوزك إيه ؟!

رد فعله ممكن يكون:

١- انه يفكر ويعقلها ويتفهم ويرحم ولاده ومراته . لأنه اكيد مايرضيهوش تدمير نفسيتهم

٢- أو ممكن يتكسف من نفسه شوية ويزعق بكلمتين ويعمل مقموص شوية وخلاص . و إنتي  تتمسكي بموقفك اللي هو حقك في حياة كريمة وحق ولادك إن يبقا ليهم أم سوية نفسياً ترعاهم وتحبهم وتربيهم

٣- لو رد فعله إنه مصر انك تشيلي فوق طاقتك ويوصلك إنك تؤذي ولادك وتظلميهم بعصبيتك يبقا نطبق شرع الله (ان خفتم شقاق بينهما فحكماً من اهله وحكماً من اهلها) . دخلو واحد او اتنين رجالة في القصة . مش العيلة كلها ولا ستات العيلة . ممكن الحكم يكون شيخ او حد فاهم في الدين مش من قرايبكم . المهم انك تكوني ايجابية وتدوري علي حلول .

  • إحنا محاسبين علي الاطفال (يوصيكم الله في اولادكم) . (كلكم راع وكلكم مسؤل عن رعيته) و (كفي بالمرء اثما ان يضيع من يعول) . إنتي مسؤلة عن ولادك ماينفعش تظلميهم عشان مكسلة تسعي إنك تاخدي حقك او تشيلي علي قدك ! دا كدا مش تدين منك ولا شطارة . انتي هتبقي تعبانة تعيسة . وهتكرهي زوجك وهتخليه متضايق وتعيس . وتتعصبي علي ولادك و تخليهم تعسا وغير أسوياء . وفي الأخرة هتتحاسبي علي المظالم اللي ظلمتيها لأطفالك بسبب عصبيتك عليهم . بسبب ظلمك ليهم .اللي بيدمر نفسية رعيتك اللي هما اطفالك !
نصائح لكل أم بتطلع عصبيتها على أولادها بسبب جوزها

نصائح لكل أم بتطلع عصبيتها على أولادها بسبب جوزها

طيب بعد ما تعملي كل ده هيكون مقابل ايه دا كله ؟

  • الحق احق أن يتبع . انتوا ماتعرفوش الولاد دول اللي مامتهم علي طول متعصبة بيبقوا نفسيا ازاي وصحياً و لما بيكبروا بيروحوا لدكاترة نفسيين  تعالجهم علاج نفسي لمدة طويلة جدا عشان مايبقوش مدمرين اوي كدا . وفي اللي بيدمن وفي اللي بيعمل بلاوي في امه وابوه .
  • في ألف بني ادم غيرك ممكن يبقا سواق .في الف بني ادم غيرك ممكن يبقا السباك . في الف حل للمشاكل غير رميها علي الزوجة .
  • لكن للاسف مافيش لولادك غير أم واحدة بس!

    إصلحي !

    شيلي شلتك انت بس .

  • و ساعتها لما نفسيتك تتظبط . هتعرفي تربي وتبقي ام بجد . وهتعرفي تحبي وتحترمي زوجك وتبقي زوجة بجد!
  • السكوت عن الحق هيبوظ الدنيا مش هيصلحها .
  • استعيني بالله و اصلحي

 

محتوى قد يعجبك:
مقالات اخرى قد تهمك (مقدمة لك من جوجل):
شارك المقالة على:

عن الكاتب

Omnia